Space Perspective amerikan startapy Neptun-Excelsior kosmiki gämisiniň üstünlikli synaglaryny yglan etdi. Germetik kapsulany göterýän şar 15-nji sentýabrda “Woýajer Deňiz kosmodromyndan” uçuryldy we Ýeriň üstünden 30,5 km belentlige çykdy.
Kapsula atmosferanyň we kosmosyň serhedine ýetdi.
Uçarmansyz uçuş alty sagat dowam etdi. Şol wagtyň içinde kompaniýanyň inženerleri gäminiň esasy ulgamlaryny, şol sanda uçuş gözegçiligini, uçuşy we gonuşy synagdan geçirdiler.
Diametri 4,9 m bolan kapsula sekiz syýahatçy we kapitan üçin niýetlenendir. Ol “kosmos” şertlerinde amatly temperaturany we basyşy üpjün edýän ulgam bilen enjamlaşdyrylandyr.
Neptun-Excelsior wodorodda işleýär we 19 km/s tizlik bilen beýiklige galýar. Suborbital uçuşlar bilen deňeşdirilende, bu gämi has uzak we rahat kosmos tejribesini hödürleýär.
Space Perspective 2025-nji ýylda täjirçilik uçuşlara başlamagy meýilleşdirýär we syýahatçylara 125 müň dollarlyk syýahaty hödürleýär. Deňeşdirmek üçin, Virgin Galactic-däki uçuşyň bahasy 450 müň dollar.
