ABŞ-ly alymlar topary Aýyň ähli giňişliklerinde, şol sanda Günüň düşýän ýerlerinde hem suwuň yzlarynyň bardygyny anykladylar. The Planetary Science Journal ylmy žurnalynda çap edilen bu açyş Ýeriň tebigy hemrasynyň çeşmeleri baradaky düşünjeleri düýbünden özgerdýär.
Barlag hindi “Çandraýan-1” kosmiki gämisiniň Moon Mineralogy Mapper guraly arkaly alnan, Aýyň mineralogiki kartalarynyň seljermesine esaslandy. Alymlar Aýyň ähli ýerinde suwa we gidroksile baý dag jynslarynyň bardygyny anykladylar.
Mundan ozal hytaýly alymlar Aýda suw almak üçin ýeterlik çeşmeleriň diňe Aý polýuslarynda, Gün şöhlesiniň baryp ýetmeýän ýerlerinde jemlenendigine ynanýardylar. Täze barlag Aýyň tutuş ýüzünde, şol sanda ekwator sebitlerinde hem suwuň bolup biljekdigini görkezýär.
Bu gözleglere gatnaşan, Planetar ylmy institutyň uly alymy Rojer Klark: "Geljekki astronawtlar, hatda ekwatoryň golaýyndan hem suw tapmaklary mümkin" - diýdi.
