Çžeszýan uniwersitetiniň (Hytaý) alymlary 3D printerde ösümlik esasly balyk etiniň barabaryny çap etdiler. Synag wagtynda awçylykda meşhur balyk bolan sary gorbyla meňzeýän et döredildi.
Barlagçylaryň sözlerine görä, çap edilen önümiň tebigy et bilen meňzeşligi 90% boldy. Barlagyň netijeleri KeAi Food Physics žurnalynda çap edildi.
3D çap etmek tehnologiýasy balygyň arkasy we döşi, guýrugy ýaly esasy böleklerini döretmäge mümkinçilik berdi.
Esasy komponentler hökmünde soýanyň belogy, ksantan şepbigi, krahmal we karraginan ulanyldy. Goşundylaryň bu utgaşmasy tebigy balyk etinde bar bolan dokumany, çyglylygy we ýokumly maddalary takyk imitirlemegi üpjün etdi.
Alymlaryň berýän maglumatlaryna görä, dünýädäki balyk gorlarynyň 90% töweregi durnukly balyk tutulmak howpy astyndadyr. Ösümlik esasly balyk önümçiligi ekoulgamlary gorap saklamak üçin täsirli alternatiwa bolup biler. 3D çap etmek tehnologiýasy ekologiýa taýdan arassa deňiz önümleriniň ornuny tutjak önümleri döretmäge mümkinçiligi açýar.
