Türkmenistanyň Robototehnika bölüminiň milli ýygyndysynyň agzalary 2024-nji ýylyň 26-29-njy sentýabry aralygynda Gresiýa Respublikasynyň Afiny şäherinde 190-dan gowrak döwletiň gatnaşmagynda geçiriljek Robototehnika boýunça dünýä çempionatyna gatnaşarlar.
Ýaryşda Türkmenistanyň toparyna 12-nji synp okuwçylary Tekeýewa Aýlar, Ataýewa Gülhatyja, Batyrow Şatlyk, Muhammetorazow Merdan we 11-nji synp okuwçysy Baýramow Aýhan wekilçilik eder. Topara Arkadag şäheriniň ýöriteleşdirilen 1-nji okuw we terbiýeçilik mekdebiniň mugallymy Sähetgulyýew Myrat we “Kämil bilim” okuw merkeziniň Robototehnika bölüminiň mugallymy Badyýew Didarberdi ýolbaşçylyk eder.
Bu ýylky robotlar “Feeding The Future” temasy boýunça gurlup, dünýä çempionatynda çykyş ederler.
Türkmen toparynyň wekilleriniň aýtmagyna görä, milli toparymyz öz robotynyň üstünde 4 aýlap işledi we çykyş üçin iň kämil görnüşe getirdi.
