Prezident Serdar Berdimuhamedow wise-premýer B.Atdaýewe eksport edilýän we import edilýän harytlaryň nyrhlaryna gözegçilik etmek bilen bagly degişli işleri geçirmegi tabşyrdy. Bu barada “Watan” habarlar gepleşiginde habar berildi.
Bellenilişi ýaly, Döwlet haryt-çig mal biržasynyň daşary ykdysady gatnaşyklaryny ösdürmek we eksport-import harytlarynyň dünýä bazarlaryndaky bahalaryny seljermegiň halkara maglumat ulgamlaryny ulanmak arkaly häzirki döwrüň talaplaryna laýyklykda, birža söwdasyny guramak boýunça zerur işler alnyp barylýar.
Şunuň bilen baglylykda, döwlet Baştutanynyň garamagyna degişli teklip hödürlenildi.
