OpenAI täze OpenAI o1 emeli aň modelini hödürledi: ol “adam ýaly pikirlenýär”

  • 14.09.2024 14:06
  • 2.8k+

OpenAI kompaniýasy meşhur ChatGPT çat-botunyň işlemegi üçin esas bolup hyzmat etjek täze OpenAI o1 emeli aň (EA) modelini hödürledi. Kompaniýanyň aýtmagyna görä, neýroulgamyň täze modeli “oýlap-ölçerip” we “pikirlenip” bilýär.

Öňki GPT-4o modeli bilen deňeşdirilende, OpenAI o1 alty esse akyllydyr. Ol kodlamakda, fizikada, himiýada we biologiýada gowy netijeleri görkezýär. Özbaşdak pikirlenmek ukyby EA modeline filosofiýa boýunça ýumuşlardan baş çykarmaga mümkinçilik berýär. Häzir model ylmy dersleriň doktory derejesinde jogap berýär. 
OpenAI Halkara matematika olimpiadasyndaky seçip alyş synagynda OpenAI o1-iň ýumuşlaryň 83%-ini dogry çözendigini, GPT-4o-yň bolsa bary-ýogy 13%-ini çözendigini belledi.
¾Biz bu modele adamlar ýaly, jogap bermezden öň meseläni gowy oýlap-ölçermek üçin köp wagt sarp etmegi öwretdik. Öwretmegiň netijesinde olar öz pikirleniş prosesini kämilleşdirmegi, dürli strategiýalary barlap görmegi we öz ýalňyşlyklaryny boýun almagy öwrenýärler – diýip, OpenAI belleýär.
OpenAI o1-iň çykmagy bilen OpenAI kompaniýasy özüniň ahyrky maksadyna – AGI-ni döretmäge ýakynlaşýar. AGI – bu adamyňka meňzeş we öz-özi öwrenmäge ukyply kämil emeli aň. 
Täze EA modeli eýýäm prewýu-görnüşde ChatGPT ulanyjylary üçin elýeterlidir. Ony işe girizmek üçin Plus we Team wersiýalaryna ýazylmaly. Şeýle-de, geljekde ulanyjylar üçin ýazylmagy talap etmeýän o1-mini elýeterli bolar. Bu OpenAI o1-iň az maglumatlary işläp bilýän wersiýasydyr.


düýn 17:39
2.8k+

Barlaglara görä, emeli aňlar ýalan sözlemäge we manipulýasiýa etmäge hem ukyply

Uly dil modellerini (LLM) döredijiler heniz hem emeli aňyň jogaby nädip döredýändigine doly düşünmeýärler diýip, täze barlaglara salgylanýan Financial Times ýazýar. Anthropic, Google, OpenAI we xAI laboratoriýalarynda jogaplar döredilende AI-niň pikirleniş ädimini yzarlamaga mümkinçilik berýän “pikirler zynjyry” usuly ulanylýar...

22.06.2025 18:06
6.6k+

Neuralink-iň çibi oturdylan meýletinçi bir hepdede pikiriň güýji bilen wideo oýun oýnamagy öwrendi

ABŞ-nyň Aýdaho ştatynyň ýaşaýjysy Rob Greýner Neuralink kompaniýasynyň neýroçibi oturdylan altynjy meýletinçi boldy. 2022-nji ýylyň dekabryndaky awtoulag heläkçiliginden soň ysmaz bolan erkek adam indi ekrandaky kursory elleriniň kömegi bolmazdan, diňe pikir güýji arkaly dolandyryp bilýär...

12.06.2025 12:26
8.1k+

Amerikan restoranynda azatmahynyň emeli eti hödürlenip başlandy

ABŞ-nyň Azyk önümlerine we derman serişdelerine gözegçilik edarasy (FDA) Wildtype kompaniýasynyň barlaghanasy tarapyndan döredilen “ýabany azatmahynyň” (losos) emeli etiniň satuwyny tassyklady. Önüm howpsuz diýlip ykrar edildi we eýýäm Oregon ştatynyň Portlend şäherindäki Kann restoranynda myhmanlara hödürlenýär diýip, The Verge habar berýär...

11.06.2025 13:18
4.1k+

Samsung kagyz ekranly mahabat tagtasyny çykardy. Ol elektrik çeşmesine birikdirilmezden işleýär

Günorta Koreýanyň Samsung Electronics tehnologiýa ägirdi Сolor E-Paper sanly mahabat tagtasynyň global satuwyna başlady. Enjam reňkli elektron syýa tehnologiýasynyň esasynda gurlan we hemişelik energiýa çeşmesi bolmazdan şekilleri görkezmäge ukyply...