10-njy sentýabrda Türkmenistanyň Halk Maslahatynyň Başlygy Gurbanguly Berdimuhamedow iş sapary bilen Mary welaýatyna geldi.
Bu ýerde türkmen halkynyň Milli Liderini ýaşulular garşyladylar diýip, “Watan” habarlar gepleşiginde habar berilýär.
Gurbanguly Berdimuhamedow welaýatyň il sylagly ýaşululary bilen hal-ahwal soraşdy.
Türkmen halkynyň Milli Lideri mukaddes Garaşsyzlygymyzyň 33 ýyllyk baýramynyň öňüsyrasynda Mary welaýatynda birbada birnäçe desgalaryň düýbüni tutulýandygynyň we işe girizilýändigini aýtdy.
“Munuň özi Arkadagly Gahryman Serdarymyzyň parasatly ýolbaşçylygynda ýurdumyzyň ähli ugurlarda uly üstünlikleri gazanýandygynyň aýdyň beýany bolup durýar” diýip, Gurbanguly Berdimuhamedow aýtdy.
Türkmenistanyň Halk Maslahatynyň Başlygynyň Mary welaýatyna iş sapary dowam edýär.
