SpaceX kompaniýasy raýat ekipažy bilen ilkinji Polaris Dawn gözleg missiýasyny uçurdy. Crew Dragon gämisi Florida ştatynyň Kanaweral burnundan uçdy.
Falcon 9 raketa göterijisi iki basgançakda-da üstünlikli aýryldy.
Polaris Dawn missiýasy bäş gün dowam eder we 50 ýyldan gowrak wagt ozal NASA-nyň Aýa gonuşyndan bäri iň uzak kosmos uçuşy bolar. Missiýanyň üçünji güni, 12-nji sentýabrda hünärmen däl astronawtlaryň ilkinji gezek açyk kosmosa çykmagy meýilleşdirilýär. Iki sagat dowam etjek bu kosmosa çykyş Ýerden 700 km belentlikde amala aşyrylar.
Ekipažyň düzümine missiýany SpaceX bilen bilelikde maliýeleşdiren milliarder Jared Aýzekman, ABŞ-nyň Harby-howa güýçleriniň öňki podpolkownigi Skott Potit, şeýle-de SpaceX-iň iki işgäri: kosmos amallary boýunça baş inžener Anna Menon we kosmonawtlary taýýarlamak boýunça inžener Sara Jillis girdi.
Ilkibaşda Polaris Dawn-yň uçurylyşy 28-nji awgusta meýilleşdirilipdi, ýöne tehniki sebäpler esasynda ençeme gezek yza süýşürildi.
