Türkmenistanyň daşary işler ministri Raşid Meredow ýurdumyza gelen Malaýziýanyň daşary işler ministri Dato Seri Utama Hajy Mohamad bin Hajy Hasan bilen duşuşdy. Malaýziýanyň wekiliýeti bilen duşuşyk 9-njy sentýabrda geçirildi.
Türkmenistanyň DIM-inde habar bermeklerine görä, duşuşygyň barşynda taraplar birek-birege hormat goýmak we özara bähbitleri nazara almak ýörelgelerine esaslanýan köpýyllyk hyzmatdaşlyk gatnaşyklaryny has-da işjeňleşdirmek meselelerini ara alyp maslahatlaşdylar. Halkara düzümleriniň, hususan-da BMG-niň, YHG-nyň çäklerindäki özara gatnaşyklara we syýasy-diplomatik ugur boýunça amala aşyrylýan hyzmatdaşlyga hem garaldy.
Söhbetdeşler sebit we halkara gün tertibiniň birnäçe ugurlary boýunça garaýyşlarynyň ýakyndygyny nygtadylar.
Şeýle-de ministrler söwda-ykdysady, ylym, medeniýet we syýahatçylyk ugurlaryndaky hyzmatdaşlygy ara alyp maslahatlaşdylar.
