U.D.Aliýew adyndaky Karaçaýewo-Çerkesskiniň Döwlet uniwersitetinde daşary ýurtly talyplar türkmen edebiýatynyň nusgawy şahyry Magtymguly Pyragy adyndaky talyp haklary girizildi. Bu barada uniwersitetiň rektorynyň wezipesini ýerine ýetiriji Tausoltan Uzdenowyň sözlerine salgylanyp, TASS habar berýär.
“Biziň ýokary okuw mekdebimizde köpsanly türkmenistanly talyplar okaýar. Beýik türkmen şahyry we akyldary Magtymguly Pyragynyň doglan gününiň 300 ýyllygy giňden bellenilýän şanly ýylynda biz daşary ýurtly talyplar üçin beýik şahyryň adyny göterýän talyp haklaryny girizdik” – diýip, T.Uzdenow agentlige habar berdi.
Uzdenow 10 müň rubl möçberindäki her aý boýunça tölenilýän talyp hakynyň okuwynda gowy ýetişýän hem-de jemgyýetçilik işlerine işjeň gatnaşýan iň ökde daşary ýurtly talyplara beriljekdigi barada belledi. Ilkinji serişdeler tebigy geografiýa fakultetiniň magistri Altyn Bekmyradowa we filologiýa institutynyň aspiranty Ogulnar Töräýewa gowşuryldy.
