S.A.Nyýazow adyndaky Türkmen oba hojalyk uniwersiteti «Türkmenistanda agroinnowasiýa» atly ylmy-amaly elektron žurnalyny neşir edip başlar. Degişli teklibi Türkmenistanyň Prezidenti Serdar Berdimuhamedow makullady diýip, TDH habar berýär.
Žurnal türkmen, iňlis we rus dillerinde neşir ediler. Onuň sahypalarynda agronomçylyk, agroekologiýa, gidromeliorasiýa, sanly oba hojalygy hem-de oba hojalyk toplumynda ýokary tehnologiýalary ulanmak ulgamyndaky öňdebaryjy tejribeler we ylmy-amaly barlaglaryň netijeleri baradaky makalalary çap etmek meýilleşdirilýär.
Makalalaryň awtorlary ýerli we daşary ýurtly professorlar, mugallymlar, alymlar hem-de talyplar bolup biler.
