Rus alymlary ýeňil betonyň berkligini ýokarlandyrmak üçin innowasion usul oýlap tapdylar. “Prioritet 2030” programmasynyň çäginde alnan gözleg netijeleri Construction and Geotechnics žurnalynda çap edildi.
Perm milli gözleg politehniki uniwersitetiniň (PMGPU) hünärmenleri materialy has ýokary temperaturalara garşy çydamly etmek üçin betona polat süýümini we nanokremnezemi goşmagy teklip etdiler.
Betonyň 36 nusgasy synagdan geçirildi, olar 4 topara bölünýär: barlag nusgasy, polat süýümli, nanokremnezemli we iki elementiň hem goşulan görnüşi. Netijeler polat süýümli we nanokremnezem birleşmesiniň betonyň fiziki-mehaniki aýratynlyklaryny ýokarlandyrandygyny görkezdi.
Barlag nusgasyndan tapawutlylykda iki elementiň hem goşulan nusgasynyň berkligi 41% ýokarlandy.
Barlagçylaryň pikiriçe, geljekde şeýle materiallaryň ulanylmagy has berk we howpsuz beýik binalaryň, uzak aralykdaky köprüleriň gurluşygynda uly ähmiýete eýe bolar.
