Syýahatçylaryň aşa köplügi sebäpli Italiýanyň hökümeti tomus möwsüminde syýahatçylyk salgytlaryny ýokarlandyrmak mümkinçiligine garaýar. Syýahatçylyk ministri Daniela Santançe bu başlangyjyň syýahatçylyk pudagynyň wekilleri bilen sentýabr aýynda ara alnyp maslahatlaşyljakdygyny aýtdy diýip, Financial Times ýazýar.
Häzirki wagtda italýan şäherleri syýahatçylardan myhmanhananyň ýyldyz sanyna ýa-da myhman öýüne baglylykda bir gije üçin 1 – 5 ýewro alýarlar. Italiýanyň Bankynyň maglumatlaryna görä, 2019-njy ýylda bu ýygymlar 470 mln ýewro girdeji getirdi, 2023-nji ýylda Rim we Wenesiýa ýaly meşhur ýerlerde salgyt ýokarlanandan soň, girdejiler 775 mln ýewro boldy.
Indi hökümet syýahatçylyk salgytlaryny ýene ýokarlandyrmak mümkinçiligini gözden geçirýär. Bahasy azyndan 100 ýewro bolan otaglar üçin bir gijesine 5 ýewro, 100 – 400 ýewro bahaly otaglar üçin 10 ýewro, 400 – 750 ýewrolyk otaglar üçin 15 ýewro we 750 ýewrodan gymmat otaglar üçin bir gijesine 25 ýewro çenli möçberde salgyt kesgitlemek meýilleşdirilýär.
