Kaliforniýanyň Şmidt umman institutynyň barlagçylary suw ýaly ýarym dury görnüşi üçin Kasper ady dakylan seýrek osminogy (sekiz aýak) surata düşürdiler. Bu jandar Çiliniň kenarynda, takmynan, 4,3 km çuňlukda akwadron arkaly tapyldy diýip, Newsweek habar berýär.
Bu osminog ilkinji gezek 2016-njy ýylda Gawaý adalarynda ýüze çykdy, ýöne şu wagta çenli alymlar ony öwrenmek üçin tutup bilmediler. Nusgalaryň ýoklugy sebäpli, täze görnüşiň resmi ady ýokdur.
Ekspedisiýanyň dowamynda deňiz haýwanlarynyň 20-den gowrak täze görnüşi tapyldy we ilkinji gezek diri Promachoteuthis kalmary surata düşürildi. Ekspedisiýa awgust aýynda tamamlandy we alymlara suwasty dünýäde has köp gözleg geçirmek üçin köp maglumatlary berdi.
