27-29-njy awgustda Türkmenabat şäherinde Lebap welaýat gümrükhanasynyň edara binasynda Türkmenistanyň we Özbegistanyň arasyndaky daşary söwdanyň gümrük statistiki maglumatlaryny deňeşdirmek boýunça hünärmenleriň iş duşuşygy geçirildi. Bu barada Türkmenistanyň Döwlet gümrük gullugynda habar berdiler.
Iş duşuşygynyň dowamynda:
- harytlaryň daşary söwdasynda gümrük statistiki maglumatlaryň emele gelşiniň usulyýeti maslahatlaşyldy;
- 2023-nji ýylyň jemi boýunça «Türkmenistanyň importy - Özbegistanyň eksporty» we «Özbegistanyň importy – Türkmenistanyň eksporty» ugurlar boýunça daşary söwdanyň gümrük statistiki maglumatlary deňeşdirildi.
