The Wall Street Journal neşiriniň habar bermegine görä, Apple generatiw emeli aň bilen meşgullanýan OpenAI kompaniýasyna maýa goýmak barada gepleşikleri geçirýär.
OpenAI-den ChatGPT iOS-yň geljekki wersiýalaryna birleşdiriler. Eger gepleşikler üstünlikli bolsa, Apple startapy 100 mlrd dollardan gowrak baha bilen bahalandyrjak Thrive Capital wençur gaznasynyň ýolbaşçylygyndaky birnäçe milliard dollarlyk maliýeleşdiriş tapgyryna goşular.
Microsoft we Nvidia hem bu tapgyra gatnaşmak mümkinçiligini göz öňünde tutýarlar. Microsoft soňky bäş ýylda OpenAI-a eýýäm 13 mlrd dollar maýa goýdy we GPT tehnologiýasyny öz önümlerine girizdi. Apple ChatGPT-ni iPhone 15 Pro we soňky wersiýalara girizmegi hem-de Apple Intelligence-iň mümkinçilikleriniň çäginden çykýan ulanyjy soraglaryny ChatGPT çat-botuna gönükdirmegi meýilleşdirýär.
ChatGPT-niň 2024-nji ýyl tamamlanýança iOS 18-iň täzelenmesinde peýda bolmagyna garaşylýar. Şeýle-de, Apple Google-dan Gemini ýaly beýleki emeli aňly çat-botlaryň goldawyny goşmagy meýilleşdirýär.
