“Kamaz” kompaniýasy Türkmenistanda önümçiligi ýola goýmagy teklip edýär. Bu barada “Kamaz” Daşary söwda kompaniýasy paýdarlar jemgyýetiniň sebit direktory Marat Garifullin 27-nji awgustda Kazanda geçirilen Söwda-ykdysady, ylmy-tehniki we medeniýet hyzmatdaşlygy boýunça türkmen-tatar iş toparynyň bilelikdäki mejlisinde belläp geçdi diýip, ORIENT belleýär.
Gürrüň Türkmenistanda (eýýäm “Kamaz” hyzmat ediş merkezleri hereket edýär) tehnika öndürmek üçin täze desganyň döredilmegi barada barýar. Garifulliniň aýtmagyna görä, munuň ýaly önümçiligi ýola goýmagyň dürli görnüşleri ara alnyp maslahatlaşylýar, üstesine-de tatar tarapy bu önümçiligi ýerli bredniň adyndan çykarmagy teklip edýär. Türkmenistanyň Maliýe we ykdysadyýet ministri Serdar Joraýew bu teklibi goldap, türkmen bazarynda “Kamaz” önümleriniň köpgörnüşliligini belläp, munuň bilen baglylykda Türkmenistanda onuň önümçiliginiň ýola goýulmagy we bilelikdäki kärhana görnüşinde hereket etmegi barada maslahatlaşylýandygy barada aýtdy.
Şeýle-de Garifullin 2024-nji ýylyň jemleri boýunça Türkmenistana hususy bölüm üçin niýetlenen “Kamazyň” 100 sanysynyň getirilmegine garaşylýandygyny hem-de häzirki wagtda şertnamanyň üstünde işlenilip, onuň tehniki tarapy barada ylalaşmalaryň geçirilýändigini belledi.
