RF-niň "Tatneft" kompaniýasy Türkmenistanda lukmançylyk polipropilenini öndürmek, Arkadag şäherinde fiziki erginini we derman serişdelerini öndürmek üçin lukmançylyk senagaty klasterini döretmek meselelerini öwrenýär. 27-nji awgustda Kazan şäherinde geçirilen söwda-ykdysady, ylmy-tehniki we medeni hyzmatdaşlyk boýunça türkmen-tatar iş toparynyň maslahatynda bu meseleler maslahatlaşyldy diýip, ORIENT habar berýär.
Bu mowzuk boýunça «Tatneft» kompaniýasynyň Türkmenistandaky bölümçe müdiri Ildar Burganow belläp geçdi. Ol kompaniýada Türkmenbaşynyň nebiti gaýtadan işledýän zawodlar toplumynyň esasynda lukmançylyk polipropilenini öndürmek mümkinçilikleriniň öwrenilýändigi, şeýle-de Arkadag şäherinde import önümleriniň dolulygyna ýerini tutup biljek ýerli çig malyndan taýýarlanan fiziki erginleriniň we derman serişdeleriniň döredilmegine gatnaşmak mümkinçilikleri barada nygtap geçdi.
Şeýle-de Burganow ýylyň ahyryna çenli «Tatneftiň» Türkmenistandaky bölümçesiniň Goturdepe käninde nebitiň gazylyp çykarylyşyny 800 müň tonna çenli ýokarlandyrmagy göz öňünde tutýandygyny belledi.
