Angliýanyň Roksiter şäherinde arheologlar ýaşy takmynan 2000 ýyl bolan özboluşly rim mozaikasyny tapdylar. Mozaikada ak, gyzyl, gök we sary reňklerde delfinler we balyklar şekillendirilipdir diýip, Daily Mail habar berýär.
Rim döwründe Roksiter şäheri Viroconium Cornoviorum diýlip atlandyrylýardy. Ol ululygy boýunça Angliýanyň 15 000-den gowrak ilaty bolan 4-nji şäheri hasaplanýardy. Rimliler Angliýany terk edenlerinden soň, bu şäherde V asyra çenli ýaşalypdyr.
B. e. II asyra degişli mozaika, baý maşgala degişli bolan uly jaýyň poluny bezäpdir diýlip çak edilýär.
III ýa-da IV asyryň ahyrynda binanyň durkunyň täzelenmegi netijesinde mozaika, gurluşyk galyndylary bilen örtülipdir. Bu bolsa, onuň biziň günlerimize çenli sakalnyp galmagyna sebäp bolupdyr.
Birmingem uniwersitetiniň doktory Rojer Waýt mozaikanyň şu günlere çenli saklanyp galmagyny "adatdan daşary" ýagdaý diýip häsiýetlendirdi.
Ozal, Neapolyň golaýyndaky deňiz suwlarynda arheologlar özboluşly gadymy rim mozaikasyny tapdylar.
