Russiýaly alymlar Hindistandan we Yrakdan hyzmatdaşlar bilen bilelikde emeli aňyň kömegi bilen ýeralma düýpleriniň kesellerini wizual anyklaýyş üçin niýetlenen AI-PotatoGuard innowasion toplumyny işläp taýýarladylar. Bu barada TASS habar berýär.
Ulgam fitoftoroz, alternarioz we gotur ýaly ýaýran keselleri anyklap bilýär.
AI-PotatoGuard suratlary we wideolary işlemäge ýöriteleşen neýron ulgamyny (ConvNet) ulanyp, ýeralmanyň ýapraklarynyň ýagdaýyny seljerýär. Maglumatlar dolandyryjysyz uçýan enjamlardan ýa-da hemra suratlaryndan alnyp bilner, bu hem ýeralma meýdanlarynyň ýagdaýyna hakyky wagtda gözegçilik etmäge mümkinçilik berer.
Işläp düzüjileriň aýtmagyna görä, ulgam öňki adaty usullar bilen deňeşdirilende, anyklaýyş takyklygyny ep-esli ýokarlandyryp, keseli 95% ýagdaýda ýüze çykarmaga mümkinçilik berýär.
Keselleriň ir ýüze çykarylmagy olaryň öňüni almak üçin öz wagtynda çäreleriň görülmegine mümkinçilik berýär, bu hem himiki serişdeleriň ulanylmagyny azaldýar we netijede, çykdajylary azaldyp, hasyllylygy ýokarlandyrýar.
