17-nji awgustda zähmet rugsady wagtynda Türkmenistanyň Halk Maslahatynyň Başlygy Gurbanguly Berdimuhamedow “Arçman” şypahanasyna baryp gördi. Türkmen halkynyň Milli Lideri bolup bu ýerde dynç alyşda bolýan Türkmenistanyň Halk Maslahatynyň Diwanynyň Iş dolandyryjysy, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň wise-prezidenti R.Bazarow bilen duşuşdy. Bu barada “Watan” habarlar gepleşiginde habar berildi.
Gurbanguly Berdimuhamedow bu ýerde Halk Maslahatynyň nobatdaky mejlisine hem-de ýurdumyzyň durmuşynda möhüm orun eýeleýän şanly senelere görülýän taýýarlyk işleriniň ýagdaýlary bilen gyzyklandy.
R.Bazarow häzirki döwürde Halk Maslahatynyň nobatdaky mejlisine görülýän taýýarlyk işleri barada hasabat berdi.
Şeýle hem hasabatyň çäklerinde ýurdumyzda:
- oba hojalyk ulgamyndaky halkara hyzmatdaşlygynyň işjeňleşdirilmegine gönükdirilen oba hojalyk ekinleriniň tohumçylygy boýunça geçiriljek halkara forumyna;
- Magtymguly Pyragynyň 300 ýyllyk senesi mynasybetli, oktýabr aýynda bellenilmegi meýilleşdirilen “Döwürleriň hem-de medeniýetleriň özara baglanyşygy – häzirki zaman dünýäsiniň we ösüşiň binýady” atly Halkara maslahatynyň;
- Saglygy goraýyş we derman senagaty işgärleriniň gününe;
- Dünýä türkmenleriniň ynsanperwer birleşiginiň Garaşsyzlyk baýramy mynasybetli geçiriljek nobatdaky maslahatyna görülýän taýýarlyk işleri barada giňişleýin maglumatlar berildi.
