Türkmenistanyň Prezidenti Serdar Berdimuhamedow Mary welaýatynyň Mary şäheriniň hem-de käbir etraplarynyň häkimlerinde wezipe üýtgeşmelerini geçirdi. Degişli resminamalara döwlet Baştutany 16-njy awgustda gol çekdi. Bu barada "Watan" habarlar gepleşiginde habar berildi.
Türkmenistanyň Prezidentiniň gol çeken resminamalaryna laýyklykda,
- Amanmyradow Kakamyrad, özüne ynanylan wezipäni oňarmandygy üçin, Mary welaýatynyň Mary şäheriniň häkimi wezipesinden boşadyldy. Mary şäheriniň täze häkimi wezipesine Kakageldi Atajanowiç Saryýew bellenildi;
- Amanow Gowşutmurat Muhammetberdiýewiç, özüne ynanylan wezipäni oňarmandygy üçin, Mary welaýatynyň Wekilbazar etrabynyň häkimi wezipesinden boşadyldy. Bu wezipä Daýanç Atamyradow bellenildi;
- Gökçeýew Begmyrat Ýagşymyradowiç, özüne ynanylan wezipäni oňarmandygy üçin, Mary welaýatynyň Tagtabazar etrabynyň häkimi wezipesinden boşadyldy. Bu wezipä Muhammetserdar Çarymyradowiç Aşyrow bellenildi.
