Hytaýyň Shenyang Aerospace Xinguang Group kompaniýasy dünýädäki ilkinji akylly robot kit akulasyny hödürledi. Uzynlygy bäş metre we agramy 350 kilograma ýetýän täze enjam hakyky kit akulasynyň hereketlerini gaýtalaýar diýip, Interesting Engineering habar berýär.
Robot akula sekuntda 0,7 metre çenli tizlige ýetip, 20 metr çuňluga çümüp bilýär. Bu aýratynlyklar enjamy, ylmy taýdan deňiz ekosistemalaryny öwrenmek we kyn şertlerde suwasty amallaryny ýerine ýetirmek üçin peýdaly gural edip biler.
Enjam suwasty gurşawda netijeli gezmäge mümkinçilik berýän optiki kameralar, görkezijiler, suwuň astynda ýerleşýän ýerini kesgitleýji tehnologiýasy we BeiDou ýerleşiş ulgamlary bilen enjamlaşdyrylandyr.
