Astanada Merkezi Aziýa döwletleriniň Baştutanlarynyň VI Konsultatiw duşuşygynyň çäklerinde sebitiň ýurtlary – Gazagystanyň, Gyrygyzystanyň, Täjigistanyň, Türkmenistanyň we Özbegistanyň ulag ministrleriniň 2-nji duşuşygy geçirildi.
Maslahatlaşmalaryň esasy meselesi – awtoulag we demir ýollarynyň gurulmagy bilen üstaşyr geçelgeleriň we ulag baglanyşygyň ýokarlanmagy, täze ugurlaryň açylmagy hem-de halkara howa gatnawlaryň torlarynyň giňeldilmegidir. Çäräniň netijesinde taraplaryň geljekki hyzmatdaşlygyndaky maksatlaryny berkidýän Astana beýanatyna gol çekildi diýip, Orient agentligi habar berýär.
Mundan başga-da ministrler Merkezi Aziýa döwletlerinde ulag-logistika merkezleriniň ösdürilmegi barada özara düşünişmek hakynda Ähtnama gol çekdiler. Bu resminama maýa goýumlary çekmekde, infrastrukturany ösdürmekde we ulag-logistika merkezleriniň işini ýola goýýan kadalaşdyryjy-hukuk esasyny kämilleşdirmekde oňaýly gurşawy döretmek çäklerinde ýurtlaryň hyzmatdaşlygyna gönükdirilendir.
Gol çekilen Ähtnama 2023-nji ýyulda Duşenbe şäherinde ministrleriň ilkinji duşuşygynda Merkezi Aziýada ýerüsti ulaglaryň özarabaglanyşygyny pugtalandyrmak baradaky Ylalaşygyň dowamy boldy.
Wekiliýet Astanada ýerleşdirilen Elektrowoz ýygnaýjy zawodyna baryp, ol ýerde lokomotiw gurluşygynyň önümçilik mümkinçilikleri görkezildi.
