Ford Mustang Mach-E elektrik awtoulagy bir zarýad bilen 916,74 km ýol geçip, täze dünýä rekordyny goýdy. Bu rekord Ginnesiň rekordlar kitabynyň garaşsyz hünärmenleri tarapyndan tassyklandy.
Ulag Angliýada 24 sagatdan gowrak sürüldi. Synag hakyky sürüş şertlerine meňzedilmek üçin şäher we oba ýollaryndan geçdi.
Sygymy 91 kWt bolan batareýa bilen işleýän bu awtoulag 600 km diýlip görkezilen resmi ýöreýiş ätiýaçlygyna berlen çaklamalardan geçdi. Energiýanyň ortaça sarp edilişi 1 kWt sagatda 10 km-den gowrakdy. Rekorda ýetmek üçin çaýkanma pes garşylygy bolan Bridgestone tekerleri ulanyldy.
Bridgestone we AA teker bermek we resmi eminlik etmek bilen rekord synanyşygyny goldady.
Öňki rekordy 2023-nji ýylyň sentýabr aýynda 907,62 km ýol geçen, Hytaýyň Zeekr 001 elektrik awtoulagy goýupdy.
