Şwesiýanyň Linçýoping uniwersitetiniň alymlary neýrointerfeýslerinde ulanmak üçin ýumşak altyn nanosimleri döretdiler. Bu elektrodlar beýniniň we elektronikanyň arasynda maglumatlary ygtybarly we netijeli geçirmäge mümkinçilik berýän mehaniki häsiýetleri bilen adam nerwlerine meňzeýär. Işiň netijeleri Small žurnalynda beýan edilýär.
Altynyň ulanylmagy bioylalaşyjylygy we ýokary geçirijiligi bilen baglanyşyklydyr. Mundan başga-da, altyn nerw implantlarynda ulanmak üçin tassyklandy. Şeýle-de bolsa, inçe we uzyn altyn gurluşlary döretmek kyn boldy. Barlagçylar ilki nanosimleri kümüşden "ösdürip ýetişdirdiler", soňra ony altyn bilen örtüp, 99% -den gowrak altyn saklaýan simleri öndürip, kümşi aýyrdylar.
Nanosimler çeýelik we sozulaganlyk berýän silikon plýonkalara ýerleşdirildi. Bu elektrodlara hereket wagtynda hem nerwler bilen ýakyn aragatnaşykda bolmaga mümkinçilik berýär. Alakalarda geçirilen synaglar elektrodlaryň dokuma zeper ýetirmezden, nerw impulslaryny gyjyndyryp we tutup biljekdigini görkezdi.
Elektrodlaryň azyndan üç ýyl hyzmat ediş möhleti bar, bu garaguş, Parkinson we ysmaz kesellerini bejermek ýaly, lukmançylyk maksatlary üçin ulanylmagyna umyt döredýär.
