Häzir Antarktidada gyş pasly dowam edýär – iýul we awgust aýlary yklymyň iň sowuk aýlary hasaplanýar. Şeýle-de bolsa, 6-njy awgustda Merkezi Antarktidanyň “Wostok” stansiýasynda gözegçilikleriň tutuş taryhynda bu döwür üçin iň ýyly temperatura hasaba alyndy. Temperatura – 34,2 gradusa ýetdi diýip, TASS Arktika we Antarktika ylmy-gözleg institutynyň (AARI) metbugat gullugyna salgylanyp habar berýär.
Bu dereje ortaça ýylylyk derejesinden ep-esli ýokarydyr. Ertesi gün, 7-nji awgustda temperatura – 48,8 gradusa düşdi.
Iýul aýynda “Wostok” stansiýasynda temperaturanyň otaça –66,6, awgust aýynda bolsa -67,6 gradus bolýandygyny belläp geçeliň. Bular –100-den +20 dereje aralygyndaky termometrleriň ulanylmagyny talap edýän, planetanyň iň ýokary temperaturalarydyr. 1983-nji ýylda yklymda –89.2 gradus bolan iň pes temperatura hasaba alyndy.
AARI-niň direktory Aleksandr Makarow: “Global maýlamany tassyklaýan faktlara garamazdan, Antarktida güýçli buz örtüginiň aşagynda galyp, ýene ýüzlerçe ýyl aşa pes temperaturanyň yklymy bolar. Bu sebitdäki gözlegler dünýä ylymlary we planetamyzyň geljegine düşünmek üçin diýseň zerurdyr”.
