Türkmenistanyň Bilim ministrliginiň we Kärdeşler Arkalaşyklarynyň Milli Merkeziniň guramagynda Aşgabatdaky № 127 çagalar bagynda Türkmenistanyň çagalar baglarynyň şepagat uýalarynyň we aşpezleriniň arasynda döwlet bäsleşikleriniň jemleýji tapgyry geçirildi diýip, «Нейтральный Туркменистан» gazetinde habar berilýär.
Iň gowy hünärmenleri ýüze çykarmak maksady bilen guralan bäsleşik üç tapgyrda geçirildi: etrap, welaýat we döwlet.
Jemleýji tapgyrda Aşgabat, Arkadag şäherlerinden we bäş sany welaýatlardan ýeňiji bolanlar bäsleşdi. Bäsleşige gatnaşyjylar nazary bilimlerini hem-de hünär başarnyklaryny görkezdiler.
Şepagat uýalarynyň bäsleşiginde Baş baýragy Aşgabatdaky 12-nji çagalar bagyndan Zubeýda Kurambaýewa aldy. Birinji orny Arkadag şäherinden Aýjemal Rawşenowa, ikinji orny Daşoguzdan Mährijemal Begelekowa, üçünji orny Ak bugdaý etrabyndan Laçyn Makirowa aldy.
Aşpezleriň bäsleşiginde Gökdepe etrabyndaky 5-nji çagalar bagyndan Altyn Jummiýewa aldy. Birinji orny Aşgabatdan Uzukjemal Durdyýewa, ikinji orny Arkadag şäherinden Gülçemen Dallaýewa, üçünji orny Lebapdan Hatyja Çöliýewa aldy.
Ýeňijilere diplomlar we gymmatbahaly sowgatlar gowşuryldy.
