Ýewropa Komissiýasy (ÝK) monopoliýa garşy kanunlary bozandygy üçin Meta kompaniýasyna jerime salmaga taýynlanýar. Jerimäniň möçberi 13,4 milliard dollara ýetip biler, bu möçber Metanyň 2023-nji ýyldaky global girdejisiniň 10%-ine deňdir.
ÝK bir ýarym ýyldan gowrak derňew geçirip, Metanyň Facebook bilen birleşdirip, mahabat bazary Marketplace-e artykmaçlyk berýändigini anyklady. Bu bolsa onlaýn mahabat bazaryndaky bäsdeşligi çäklendirýär.
Mundan başga-da, ÝK Metany bäsdeşlik edýän onlaýn mahabat hyzmatlary bolan Facebook we Instagram-da mahabat ýerleşdirmek üçin amatsyz şertleri ulanyp, esasy bazar ornundan hyýanatçylykly peýdalanmakda aýyplaýar.
Meta kompaniýasynyň wekili Mett Pollard EC-iň aýyplamalarynyň esassyzdygyny nygtaýar.
ÝK-nyň bu kararynyň, sentýabr ýa-da oktýabr aýynda monopoliýa garşy ýolbaşçy Margret Westageriň noýabr aýynda işinden aýrylmazyndan ozal yglan edilmegine garaşylýar.
Şu aýda ÝK Meta-ny Ýewropa Bileleşiginiň sanly kanunlaryny bozmakda hem aýyplady. Kompaniýa köp mukdarda şahsy maglumatlary ýygnamak bilen bir hatarda, ulanyjylary täze “Töle ýa-da kabul et” modeli boýunça tölegli abuna ýazylmaga mejbur etmekde aýyplanýar.
