Microsoft we Lumen Technologies emeli aňyň infrastrukturasyny berkitmäge gönükdirilen strategik hyzmatdaşlygy yglan etdiler. Bu hyzmatdaşlyk Microsoft-a emeli aňyň artýan zerurlyklaryny kanagatlandyryp, maglumaty işläp taýýarlaýan merkezleri üçin ulgam kuwwatlylygyny we mümkinçiliklerini giňeltmäge mümkinçilik berer.
Lumen Microsoft-a emeli aňa mahsus bolan göwrümli maglumatlar bilen iş salyşmak üçin zerur tizligi we öndürijiligi üpjün edýän ýokary hilli Privacy Connectivity Fabric ulgamyna girmäge mümkinçilik berer. Microsoft bolsa öz gezeginde, IT infrastrukturasyny döwrebaplaşdyrmak we işini sanlylaşdyrmak üçin Lumen-e Microsoft Cloud-a giriş mümkinçiligini berer.
Azure-iň esasy önümleri we dizaýny boýunça Microsoft-yň wise-prezidenti Erin Çappl: “Lumen, Azure-iň müşderileriň iş ýükleriniň aglabasyny goldaýan ygtybarly we ulaldylan platforma döretmek wezipesini goldamak üçin zerur bolan ulgam infrastrukturasyna we sanly mümkinçiliklere eýedir” diýip belleýär.
