Raşid Meredow Eýranyň Prezidentiniň wezipä girişmek dabarasyna gatnaşdy

  • şu gün 13:55
  • 990
Raşid Meredow Eýranyň Prezidentiniň wezipä girişmek dabarasyna gatnaşdy

30-njy iýulda wise-premýer, Türkmenistanyň daşary işler ministri, Ykdysady hyzmatdaşlyk boýunça türkmen-eýran toparynyň türkmen tarapynyň başlygy R.Meredow Prezident Serdar Berdimuhamedowyň tabşyrygy boýunça Eýran Yslam Respublikasyna iş saparyny amala aşyrdy hem-de bu ýerde Eýran Yslam Respublikasynyň täze saýlanan Prezidenti Masud Pezeşkianyň wezipä girişmek dabarasyna gatnaşdy. Bu barada TDH agentligi habar berýär.

Saparynyň çäklerinde Türkmenistanyň daşary işler ministri dostlukly ýurduň Prezidenti tarapyndan kabul edildi. R.Meredow Eýran Yslam Respublikasynyň täze saýlanan Prezidentine Prezident Serdar Berdimuhamedowyň hem-de türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň salamyny we iň gowy arzuwlaryny ýetirdi.
Öz nobatynda Eýranyň Prezidenti ikitaraplaýyn hyzmatdaşlygyň pugtalandyrylmagyna we hemmetaraplaýyn ösdürilmegine ägirt uly goşant goşýan Türkmenistanyň Prezidentine hem-de türkmen halkynyň Milli Liderine mähirli salamyny beýan etdi.

Söhbetdeşler duşuşygyň dowamynda özara hyzmatdaşlygyň ikitaraplaýyn görnüşde bolşy ýaly, halkara guramalarynyň çäklerinde hem üstünlikli ösdürilýändigini kanagatlanma bilen bellediler.

Aşgabatda innowasion "Ertekiler dünýäsiniň" taslamasyny taýýarlamak boýunça bäsleşik yglan edildi
şu gün 14:40
797

Aşgabatda innowasion "Ertekiler dünýäsiniň" taslamasyny taýýarlamak boýunça bäsleşik yglan edildi

Türkmenistanyň Gurluşyk we binagärlik ministrligi Aşgabatda "Ertekiler dünýäsiniň" deslapky nusgasyny taslamalaşdyrmak boýunça bäsleşik yglan etdi. Taslama laýyklykda, bu ýerde täze innowasion tehnologiýalary ulanmak...

Türkmenistanyň we Türkiýäniň energetika ministrleri Aşgabatda gepleşikleri geçirdiler
şu gün 13:41
286

Türkmenistanyň we Türkiýäniň energetika ministrleri Aşgabatda gepleşikleri geçirdiler

Türkiýäniň energetika we tebigy serişdeler ministri Alparslan Baýraktar Aşgabada saparynyň barşynda türkmen kärdeşleri bilen gepleşikleri geçirdi diýip, THP TRT Haber türk habarlar ýaýlymyna salgylanyp habar berýär...

Serdar Berdimuhamedow Yragyň ýolbaşçylaryny diplomatik gatnaşyklaryň 15 ýyllygy bilen gutlady
şu gün 13:11
409

Serdar Berdimuhamedow Yragyň ýolbaşçylaryny diplomatik gatnaşyklaryň 15 ýyllygy bilen gutlady

Prezident Serdar Berdimuhamedow Türkmenistanyň halkynyň we Hökümetiniň adyndan, şeýle-de hut öz adyndan Yrak Respublikasynyň Prezidenti Abdul Latif Raşide, Premýer-ministri Mohammed Şiýa Al Sudanä hem-de ýurduň...

Serdar Berdimuhamedow Ýadro synaglaryny ählumumy gadagan etmek barada şertnamasy guramasynyň Ýerine ýetiriji sekretaryny kabul etdi
şu gün 08:01
3893

Serdar Berdimuhamedow Ýadro synaglaryny ählumumy gadagan etmek barada şertnamasy guramasynyň Ýerine ýetiriji sekretaryny kabul etdi

30-njy iýulda Prezident Serdar Berdimuhamedow Ýadro synaglaryny ählumumy gadagan etmek barada şertnamasy guramasynyň (СTBTO) Ýerine ýetiriji sekretary Robert Floýdy kabul etdi. Iri halkara guramanyň ýolbaşçysy...