Tesla kompaniýasy özüniň sürüjisiz dolandyrylýan Cybercab taksisiniň tanyşdyrylyşyny 2024-nji ýylyň 8-nji awgustyndan 10-njy oktýabryna süýşürdi. Bu barada TechCrunch neşiri habar berýär.
Tesla-nyň ýolbaşçysy Ilon Maskyň aýtmagyna görä, bu awtomobiliň öň böleginiň dizaýnyny doly işlemek we goşmaça innowasiýalary girizmek zerurlygy bilen baglanyşykly.
Cybercab adaty dolandyryş ulgamlaryndan mahrum ediler we doly täjirçilik ýolagçy gatnawlaryna gönükdiriler.
Öň, Mask adam gatyşygyny talap etmeýän awtopilotyň 2024-nji ýylyň ahyryna çenli işe girizilmegine şübhe bildiripdi. Ilkibaşda Tesla awtomobilleri 2019-njy ýylyň ahyryna çenli özbaşdak hereket edip biler diýlip meýilleşdirildi, ýöne möhlet birnäçe gezek yza süýşürildi.
Kompaniýa eýýäm öz awtopilotyny Demirgazyk Amerikada, Ýewropada we Aziýada ulanmak üçin ygtyýarnama almak işine başlady.
