Balkan welaýatynyň Türkmenbaşy etrabynyň çäginde ýerleşýän “Guwlyduz” önümçilik toplumyna 3 sany halkara Güwanamalary gowşuryldy. Bu baradaky hoş habar 27-nji iýulda Türkmenistanyň Halk Maslahatynyň Başlygy Gurbanguly Berdimuhamedowyň Arkadag şäherine amala aşyran iş saparynyň barşynda aýdyldy.
Hususan-da, “Guwlyduz” önümçilik toplumynyň önümleriniň
- Ekologiýa menejment talaplaryna laýyk gelýän ISO 14001 Güwänama;
- lukmançylyk önümleriniň ISO 13485 menejment hil ulgamyna laýyk gelýändigi baradaky Güwänama;
- kärhanada duz önümçiligi boýunça menejment hil ulgamynyň talaplaryna doly laýyk gelýändigi baradaky ISO 9001 talaplaryna laýyk gelýändigini aňladýan Güwänama berildi.
Munuň özi ýurdumyzda lukmançylyk edaralary üçin niýetlenen önümleriň halkara derejesinde ykrar edilýändiginiň aýdyň subutnamasydyr.
