Amerikaly barlagçylar garaňkyda ýalpyldamaga ukyply, biologiki dargap bilýän plastmassany oýlap tapdylar. Nature Sustainability žurnalynda beýan edilen täze material çydamlylygy we biologiki dargamak häsiýetini özünde jemläp, häzirki zaman elektronikasynda ulanylyp bilinjekdigine umyt döredýär.
Tehnologiýanyň syry - ýokary ýagtylyk ukybyny üpjün edýän we materialyň dargamagyny çaltlaşdyrýan himiki birleşme tert-butil efiriniň goşulmagy.
Barlaglar täze polimeriň ýokary elektrolýuminessensiýasynyň (15,1%) bardygyny, bu bar bolan biologiki dargap bilýän lýumessent polimerleriň görkezijilerinden on esse ýokarydygyny görkezdi.
Hyzmat ediş möhleti gutarandan soň, material gowşak kislotaly şertlerde ýa-da 210° C temperaturada gaýtadan işlenip bilner.
Taslamanyň ýolbaşçysy Sze Sýuý: "Biz materiallary, onuň işleýşini pese gaçyrmazdan, ony biologiki dargaýan we ikilenç işlenilmäge ukyply etdik" -diýdi.
Täze polimer, displeýler we lukmançylyk wizulýasiýasy ýaly, häzirki zaman tehnologiýalaryndan başlap, enjamlaryň düýbünden täze nesline çenli, köp zatlarda ulanylyp bilner. Geljekde tehnologiýany jübi telefonlary we kompýuter ekranlary ýaly, elektron enjamlaryna ornaşdyrmak meýilleşdirilýär.
