Russiýanyň Perm milli barlag politehniki uniwersitetiniň (PNRPU) barlagçylary soda önümçiliginiň galyndylaryny - kalsiý karbonatynyň külkesini ulanyp, awtoulag ýollarynyň toprak gatlaklaryny berkitmegiň usulyny oýlap tapdylar diýip, “Himiýa. Ekologiýa. Urbanistika” konferensiýasynyň materiallarynyň ýygyndysyna salgylanýan Naked Science ýazýar.
Tehniki ylymlaryň doktory, PNIPU-nyň “Awtoulag we tehnologiki enjamlar” kafedrasynyň professory Konstantin Puginiň sözlerine görä, külkeden peýdalanmak ýol gurluşygynyň çykdajylaryny we galyndylaryň mukdaryny azaldar.
“Biz deslapky synaglary geçirip, topragyň düzümine baglylykda, ony 6-18 göterim güýçlendirip boljakdygyny anykladyk. Bu topragyň daşarky agramlara durnuklylygyny ýokarlandyrýar "- diýip, Pugin gürrüň berdi.
Külkedäki hlorid ionlarynyň ýaramaz täsirini azaltmak üçin, alymlar erkin hlorid ionlary özüne siňdirýän kül tozuny ulanmagy maslahat berýärler.
Barlag “Prioritet 2030” strategiki akademiki liderçilik maksatnamasynyň çäklerinde geçirilýär.
