22-nji iýulda wise-premýer, Türkmenistanyň daşary işler ministri Raşid Meredow pakistanly kärdeşleri bilen gepleşikleri geçirmek üçin Yslamabada bardy. Saparyň dowamynda ikitaraplaýyn gatnaşyklaryň dürli ugurlaryny, şeýle hem sebitleýin ýagdaýlary ara alyp maslahatlaşmak meýilleşdirilýär diýip, pakistan habar beriş serişdeleri habar berýär.
Ykdysady hyzmatdaşlyk meselelerine aýratyn üns berler.
Türkmen diplomatynyň saparynyň barşynda Türkmenistanyň günbatar serhedinden Owganystanyň üsti bilen Pakistana we Hindistana geçjek Turgundy - Hyrat - Kandagar - Spin-Buldak täze demir ýol magistralyny gurmak meselesi maslahatlaşylýar.
Saparyň çäklerinde şeýle hem Pakistan bilen Türkmenistanyň arasynda Söwda, ykdysady, ylmy, tehniki we medeni hyzmatdaşlyk boýunça Hökümetara toparyň altynjy mejlisi geçiriler.
