Nýu-Ýorkdaky Sotheby’s auksionynda “Apeks” atly stegozawryň skeleti rekord 44,6 mln dollara satyldy. Bu häzire çenli auksionda gazylyp tapylan zat üçin tölenen iň ýokary bahadyr diýip, CNN habar berýär.
The Guardian-yň maglumatlaryna görä, “Apeks” häzire çenli tapylan doly stegozawr skeletleriniň biridir, onuň, takmynan, asyl 319 süňkünden 254-üsi bar. Ol 2022-nji ýylda Koloradoda paleontolog Jeýson Kuper tarapyndan tapyldy.
“Apeksi” satyn alyjy Citadel hej-gaznasynyň esaslandyryjysy, amerikaly milliarder Kennet Griffin boldy. Griffin özüniň sungat eserlerini we taryhy artefaktlary uly satyn almalary bilen tanalýar. Ol eýýäm Jasper Jonsyň suraty üçin 80 mln dollar, Nýu-Ýorkuň merkezindäki diňde dört gatly jaý üçin 238 mln dollar, Baskiýanyň suraty üçin 100 mln dollar we ABŞ-nyň Konstitusiýasynyň ilkinji nusgasy üçin 43,2 mln dollar töledi. Forbes işewüriň we kolleksioneriň baýlygyny 37,9 mlrd dollar bilen bahalandyrýar.
“Apeksiň” täze eýesi skeleti ABŞ-daky muzeýe kärendesine bermegi meýilleşdirýär.
