Adamlar, takmynan, 20 müň 800 – 21 müň 100 ýyl ozal, iň soňky buzluk döwründe häzirki Argentinanyň çägine baryp ýetipdirler. Bu öň pikir edişimizden 6 müň ýyl ir bolýar. PLoS One žurnalynda çap edilen täze barlag adamlar Täze Dünýä buzluklar eränden soň göçüp barypdyr diýen giň ýaýran çaklamany şübhe astynda goýýar.
Argentinaly barlagçylar Merlo şäheriniň golaýyndan tapylan äpet bronenosesiň (gadymy haýwanyň ady) galyndylaryny öwrendiler. Süňklerde daş gural bilen kesilene häsiýetli yzlar bar, läş synag üçin pudarlanana meňzeýär. Radiouglerod arkaly senesini anyklamak usuly tapyndynyň ýaşyny tassyklady.
Bu sene 15 müň ýyllyk diýlip tassyklanan öňki tapyndydan ep-esli uly we Amerika buzluklar eränsoň göçülip barlypdyr diýlen “ilki Klowis” çaklamasyna ters gelýär. Täze açyş adamlaryň Buz eýýamynyň agyr şertlerine uýgunlaşandygyny we Günorta Amerikanyň çägini has ir özleşdirendigini görkezýär.
Bu açyş alymlaryň öňünde täze sowallary goýýar: näme üçin Günorta Amerikada şeýle ýaşdaky gadymy adamlaryň daşa öwrülen galyndylary häli-häzire çenli tapylmandyr? Bu soraga jogap indi tapylmaly, ýöne täze subutnamalar adamlaryň Täze Dünýä göçüp barmagynyň taryhynyň ozal pikir edişinden has çylşyrymly we gyzyklydygyny görkezýär.
