“Jeýms Uebb” kosmos teleskopy “Pingwin” we “Ýumurtga” diýlip atlandyrylan iki galaktikanyň arabaglanyşygyny görkezdi. Arp 142 diýlip atlandyrylýan bu jübüt, Ýerden 326 million ýagtylyk ýyly uzaklykda Gidra ýyldyzlar toplumunda ýerleşýär.
“Pingwin” (NGC 2936) köne ýyldyzlardan düzülen elliptik “Ýumurtga” (NGC 2937) galaktikasynyň dartyş güýji bilen şekilini üýtgeden uly spiral görnüşindäki galaktikadyr. 25-75 million ýyl mundan ozal başlan bu ikitaraplaýyn hereketiň netijesinde “Pingwin” galaktikasy guşy ýada salýan şekile eýe boldy.
Bu galaktikalaryň biri-birine täsiri, “Pingwinde” her ýyl 100-200 täze ýyldyzlaryň dünýä inmegine sebäp boldy. Astronomlar “Pingwin” we “Ýumurtganyň” biri-birinden takmynan 100 000 ýagtylyk ýyly aralygynda ýerleşýändigini aýdýarlar we hereketiň dowam etmegi bilen 100 millionlarça ýyldan soň olaryň bir bitewi galaktika boljakdygyny çaklaýarlar.
NASA tarapyndan neşir edilen surat, degişlilikde ýakyn we orta infragyzyl aralykda işleýän NIRCam we MIRI kameralary tarapyndan düşürilen suratlaryň birleşdirilen şekilidir.
