Türkmen animasion studiýalary 2024-nji ýylyň 2-6-njy oktýabrynda Bakuda geçiriljek ANIMAFILM 7-nji Halkara animasion festiwalyna çakylyk aldylar. Bu barada Türkmenistanyň Telewideniýe, radio we kinematografiýa baradaky döwlet komitetiniň "Mahabat" müdirliginde habar berdiler.
Festiwal Azerbaýjanyň Animasiýa assosiasiýasy tarapyndan guralyp, oňa gatnaşyjylara öz işlerini bäsleşik maksatnamasyna hödürlemäge mümkinçilik berýär. Bäsleşige gatnaşmak üçin arzalar FilmFreeway onlaýn platformasynyň üsti bilen tabşyrylmaly.
Filmler 2023-nji ýylyň 1-nji ýanwaryndan soň döredilen bolmaly we azyndan 50% animasiýadan ybarat bolmaly.
Türkmen animatorlarynyň ANIMAFILM festiwalyna çagyrylmagy Türkmenistan bilen TÜRKSOÝ-a agza döwletleriň arasynda animasiýa ulgamynda hyzmatdaşlygyň giňeldilmeginiň netijesi bolup durýar.
