Köp filmleriň we kitaplaryň sýužetleri mumiýalaryň gadymy ýokanç keselleriň çeşmesine öwrülip biljekdigine esaslanýar. Emma alymlar beýle gorkularyň esassyzdygyny nygtaýarlar.
Hünärmenler wiruslaryň aglabasynyň, şol sanda mama keseliniň, inçekeseliň we heýwere keseliniň diri ýokuşdyryjy organizm bolmasa ýaşap bilmeýändigini aýdýarlar. Bu wiruslar çalt sandan çykýarlar we birnäçe ýylyň içinde ýok bolýarlar. Mumiýalarda tapylan gadymy wiruslaryň DNK-sy hem işjeňleşip bilmeýär.
“Parazitleriň köp görnüşi bir-iki ýylyň içinde ölýär. 10 ýyldan gowrak wagtdan soň bolsa olardan nam-nyşan galmaýar " - diýip, Kembrij uniwersitetiniň Gadymy parazitler barlaghanasynyň müdiri Pirs Mitçel aýdýar.
Mumiýalarda içege gurçuklary ýaly parazitler hem bolup biler, ýöne olar howply däl. Olaryň aglabasy eýesi bilen bilelikde ýogalýar, galanlary bolsa uzak ýaşap bilmeýär.
Şeýlelik bilen, alymlar mumiýalaryň häzirki zaman adamlary üçin howp salmaýandygyna ynanýarlar. Şonuň üçin gadymy wiruslaryň ýokuşmak ähtimallygy diňe ylmy esasy bolmadyk mifdir.
