Dubaýyň LEAP 71 başlangyjy emeli aňyň kömegi bilen döredilen suwuk raketa hereketlendirijisini üstünlikli synagdan geçirdi diýip, Arabian Business neşiri ýazýar.
Noyron TKL-5 diýlip atlandyrylýan hereketlendiriji Noyronyň AI modelini ulanyp döredildi. Ol 3D-printerde misden çap edildi we Beýik Britaniýanyň raketa synag meýdançasynda synagdan geçirildi.
Noyron TKL-5 suwuk kislorodda we kerosinde işleýär. Synag wagtynda hereketlendiriji iň oňat öndürijilik görkezdi, bäş kilonýuton çekijiligi döredip, garaşylýan 20 müň at güýjüni öndürdi. Şeýle hem, uzak ýanmak ýaly, ähli synaglardan hem geçdi.
Synaglardan soň LEAP 71 başlangyjynyň inženeri we müdiri Ýozefina Lissner: "Indi biz funksional raketa hereketlendirijilerini awtomatiki döredip we dessine olary amaly synaglardan geçirip bileris" -diýdi.
