Hytaýyň Ylymlar akademiýasynyň barlagçylary Marsdaky basyşy, temperaturany, gazyň düzümini we ultramelewşe şöhleleriniň derejesini simulýasiýa edýän synagy geçirdiler. Netijeler bir hepdelik synagdan geçen garaharsaňyň ýaşamak we täzeden janlanmak ukybyny saklap galýandygyny görkezdi.
Ekstremal şertlere durnuklydygy bilen tanalýan Syntrichia caninervis Antarktidada we Mohawe çölünde duş gelýär. Ol -80 ° C-a çenli temperaturada ýaşap, elektromagnit şöhlelenmesiniň täsirine çydap bilýär.
Alymlaryň pikiriçe, garaharsaň Marsy özleşdirmekde "geljegine umyt baglap boljak ilkinji ösümlik" bolup biler. Şeýle-de bolsa, synag wagtynda kosmiki radiasiýanyň garaharsaňa etjek täsiri öwrenilmedi. Şeýle hem, alymlar garaharsaňyň Marsda kislorodyň möhüm çeşmesine öwrüljegini-öwrülmejegini ýa-da şol ýerde köpelip biljegini-bilmejegini barlap bilmediler.
Muňa garamazdan, barlag Gyzyl planetany ösümlik dünýäli ýere öwürmek üçin Ýerdäki ösümlikleri ulanmak mümkinçiliginiň bardygyna umyt döredýär.
