Himiýa önümlerini bildirilýän talaplara laýyklykda saklamak maksady bilen, “Balkanabat” ýod zawodynyň Jebel ýük saklanylýan bölüminiň durkuny täzelemek we döwrebaplaşdyrmak meýilleşdirilýär. Degişli teklibi wise-premýer B.Annamämmedow Hökümet mejlisinde aýtdy.
Wise-premýeriň belleýşi ýaly, “Türkmenhimiýa” döwlet konserni tarapyndan içerki sarp edijileri himiýa önümleri, hususan-da, himiýa we nebitgaz pudaklarynyň önümçiliklerinde ulanylýan suwuk hlor bilen üpjün etmek boýunça degişli işler alnyp barylýar.
Bu serişdäni bildirilýän talaplara laýyklykda saklamak maksady bilen, Jebel ýük saklanylýan bölüminiň durkuny täzelemek we döwrebaplaşdyrmak teklip edilýär.
Serdar Berdimuhamedow taýýarlanan teklibi goldady we wise-premýere degişli işleri geçirmegi tabşyrdy.
