Germaniýanyň Gelzenkirhen şäheri Teýlor Swiftiň konsertleriniň öňüsyrasynda wagtlaýynça Swiftkirhen adyny alar. Bu barada Der Spiegel habar berýär.
Bu pikir şäheriň adynyň wagtlaýynça üýtgedilmegini haýyş eden ýerli mekdep okuwçysy Aleşani Westhoffa degişlidir. Şäheriň häkimi Karin Welge bu pikiri goldady we şäher merkezinde şäheriň täze ady bolan ýazgy oturdyldy.
Ýakyn günlerde şuňa meňzeş ýazgylar Gelzenkirheniň beýleki köpçülik ýerlerinde hem peýda bolar. Mundan başga-da, ýerli Şöhrat seýilgähinde aýdymçynyň hormatyna bir daş açylar we Teýlor Swift tramwaýly köçelerden geçer.
Gelzenkirhen şäheri Teýlor Swiftiň “Eras Tour” syýahatynyň çäginde konsert berjek Germaniýanyň ilkinji şäheri bolar. Ýyldyz aýdymçy 17-nji, 18-nji we 19-njy iýulda ýerli “Feltins-Arena” stadionynda çykyş eder. Her konserte takmynan 70 000 adamyň gatnaşmagyna garaşylýar. Gelzenkirheniň öz ilat sany bolsa 260 000 adam.
Bu tejribäniň ozal Liwerpulda ulanylandygyny belläp geçeliň. Iňlis şäheri bir hepdelik Teylor Town diýlip atlandyrylypdy.
