600-e golaý ýaş hünärmen Myrat Garryýew adyndaky Türkmenistanyň Döwlet lukmançylyk uniwersitetinde okuwyny tamamlady. Bu barada THP habar berýär.
Uçurymlaryň bir bölegi lukmançylyk uniwersitetiniň kliniki kafedralarynda we Türkmenistanyň Saglygy goraýyş we derman senagaty ministrliginiň Ylmy-kliniki merkezlerinde kliniki ordinaturalarda ýa-da internaturada okuwyny dowam etdirer. Beýleki bir bölegi bolsa Arkadag şäheriniň lukmançylyk edaralarynda işlemäge mümkinçilik alarlar.
Myrat Garryýew adyndaky Türkmenistanyň Döwlet lukmançylyk uniwersiteti saglygy goraýyş pudagy üçin ýokary hünär taýýarlykly hünärmenleri taýýarlaýan öňdebaryjy ýokary okuw mekdepleriniň biridir.
