Hindistanyň kosmos barlaglary guramasy (ISRO) öz astronawtlaryny Aýa ibermek üçin raketa göterijileriň täze neslini işläp taýýarlamaklyga girişdi. Bu barada ISRO-nyň başlygy Sridhara Paniker Somnath NDTV teleýaýlymyna beren interwýusynda habar berdi.
Raketa NGLV "Surýa" (hindiçe "Gün hudaýy") diýlip atlandyryldy we aşaky basgançagynyň suwuk kislorod we metan hereketlendirijileri, ýokarky basgançagynyň bolsa kriogen hereketlendirijisi bolar.
Somnathyň sözlerine görä, “Sýurýa” hindi kosmos gämisini 2040-njy ýyla çenli Aýyň üstüne ibermek meýilleşdirilýär.
Täze raketanyň işlenip taýýarlanmagy Hindistanyň ägirt uly Aý maksatnamasynyň bir bölegidir. 2023-nji ýylyň awgust aýynda “Çandraýan-3” hindi missiýasynyň uçurylan moduly Aýyň Günorta polýusynyň golaýyna üstünlikli gondy we şeýlelikde, Hindistan Ýeriň emeli hemrasynyň üstüne ýumşak gonuşy amala aşyran dünýäde dördünji ýurt boldy.
