Gazagystanda 2025-nji ýylyň maý aýynda işe girizilmek meýilleşdirilýän täze Kia zawody gurulýar. TengriNews agentliginiň habar bermegine görä, onuň önümçilik kuwwaty ýylda 70 müň awtoulag bolar.
Kärhanada önümçiligiň lokalizasiýa derejesini ýokarlandyrjak 1500 adam we 60-dan gowrak robot işlär.
Gurluşygyň alnyp baryljak döwründe, takmynan, 1200 iş orny dörediler.
Zawod 100 müň inedördül metr töweregi meýdany tutar. Gazagystan ony demir ýol geçelgeleri bilen birlikde, infrastruktura bilen üpjün etdi.
Zawodda ýylda oturgyçlar, işlenen gazy çykaryş ulgamlary, kuzowyň plastmassa bölekleri we elektrik žgutlar ýaly, 60 000 bölek şaýlar öndüriler.
Taslamanyň umumy maýa goýumy 200 million dollar töweregi.
