Kia kompaniýasy aprel aýynda ABŞ-nyň bazarynda satuwyň az-kem peselendigini hasaba aldy, emma gibrid modellere bolan isleg ep-esli artdy. Bir aýyň dowamynda jemi 72 703 awtoulag satyldy, geçen ýylyň degişli döwründe bu görkeziji 74 805-e deň bolupdy.
Satuwyň birneme peselendigine garamazdan, Kia Sportage markanyň iň meşhur modeli bolmagynda galýar. Şeýle hem Telluride, K4, K5 we Seltos modelleriniň satuwynda ösüş hasaba alyndy.
Gibrid wersiýalara bolan gyzyklanma aýratyn göze ilýär. Aprel aýynda olaryň satuwy 97% ýokarlandy. Iň ýokary depgini Sportage Hybrid görkezdi — onuň satuwy 112% artdy. Sorento Hybrid modelinde bolsa ösüş 34%-e deň boldy.
Gibridlere bolan islegiň artmagy ýangyjyň nyrhlarynyň ýokary bolmagy bilen baglanyşdyrylýar, bu bolsa şeýle awtoulaglary satyn alyjylar üçin has amatly edýär.
Elektrik awtoulaglarynyň satuwy hem ýokarlandy, emma olaryň paýy şonda-da birneme azdyr. Geçen ýyl bilen deňeşdirilende, EV6 modeli 11%, EV9 bolsa 481% ösüş görkezdi. Umumylykda, aprel aýynda 2000-den gowrak elektrik awtoulagy satyldy.
