Hyundai kompaniýasy gibrid güýç gurluşyny dolandyryş ulgamyndaky mümkin bolan mesele sebäpli ABŞ-da 2024–2026-njy ýyl modellerine degişli 54 337 sany Elantra Hybrid gibrid sedanlaryny yzyna çagyrýandygyny yglan etdi.
Yzyna çagyrmagyň sebäbi «HPCU» blogundaky «MOSFET» tranzistory boldy, ol ýokary ýüklenmelerde gyzyp bilýär. Köp halatlarda bu ýagdaý awtoulagy işledip bolmazlyga ýa-da onuň serwis tertibine (awariýnyý režim) geçmegine getirýär. Käbir ýagdaýlarda bolsa, gyzmaklyk ýerli ýylylyk zeperlenmelerini ýetirip we ýangyna sebäp bolup bilýär.
Derňew meseläniň enjamlaýyn bölekde däl-de, programma üpjünçiliginde bolandygyny görkezdi. Barlagçylaryň maglumatlaryna görä, dolandyryş ulgamy ýokary ýüklenmelerde «HPCU» bloguny ýeterlik derejede sowadyp bilmeýär.
Hyundai meseläni 2024-nji ýylyň ahyrynda öwrenip başlady. 2025-nji ýylda kompaniýa näsazlygy bolan awtoulagy derňedi we birnäçe tehniki barlaglary geçirdi. Netijede şol bir bölegiň gaýtalanyp durýan näsazlygy ýüze çykaryldy.
Häzirki wagtda dört sany hadysa hasaba alyndy, olaryň birinde ýangyn döräpdir. Zelel çekenler ýa-da ýol-ulag hadysalary barada maglumat ýok.
Kompaniýa bu meseläni sowadyş ulgamyny dolandyrmagy gowulandyrjak «HPCU» programma üpjünçiligini täzelemek arkaly çözmegi meýilleşdirýär.
